امى الحبيبه ...لقد طال الفراق بينك وبينى وطالت الغربه والسفر ولكن حبك يجرى فى دمى
انت التى حملتينى وهنا على وهنا وسقيتينى من حبك وعطفك وحنانك
انت التى سهرتى على راحتى انام وتسهرى لحاجتى تضمينى لحضنك خوفا عليا من كل شئ حتى من الهوا ..امى مهما طال البعاد ومهما طال السفر سوف ارجع ان شاء الله صورتك لما تفارق خيالى ولا ثانيه
ابكى من شوقى ليكى ..الدموع لم تفارق عينى تشتاق لرؤياكى ..
نفسى الزمان والعمر يرجع بيا تانى نفسى تاخدينى فى حضنك وتضمينى قوى نفسى احس بحنية قلبك
نفسى احس بحبك وخوفك عليا
امى ..اعلم كم تبكين وكم تسهرين تفكرين فيا وفى حالى
ارجوكى دمعه واحده منك لا استطيع ان اكافئك عليها فارجوكى يا امى لا تبكى ولا تزعلى ان شاء الله سوف ارجع وتاخدينى فى حضنك زى زمان
امى والله الدموع ما بتفارق عينى من يوم ما بعدت عنك نفسى ارجع واقبل يديكى واترمى تحت قدميكى
فعندها الجنه فالجنه تحت قدميكى
فوالله مهما قدمت من اجلك لا استطيع ان اجازيك مثقال ذره من كل حاجه عملتيها ليا
انت التى حملتينى فى بطنك تسعة اشهر تعب ووهن فجعلتى لى بطنك وعاء وارضعتينى من لبنك ومن حنانك وحبك فكان ثديك لى سقاء وضمتينى لحضنك فكان لى غطاء
امى سامحينى على كل حاجه عملتهالك وزعلتك منى
نفسى اعوضك ولو عناى شئ مع انى عارف انى مهما عملتلك لا استطيع ان اجازيك عن اى شئ ياما اتحملتى واتعبتى من اجل سعادتى يا ما حزنتى من اجل فرحى وسعادتى
والله يا امى لو قعدت اكتب طول العمر فى فضلك عليا لا استطيع ان اكتب ولا واحد فى الميه من فضلك وعطفك وحنانك عليا
انت اجمل شئ فى الوجود
نفسى ارجع واقبل قدميك نفسى اعيش طول حياتى تحت قدميك على خدمتك يا امى
ياريت اقدر اعبر عن اللى بداخلى تجاهك ولكنى مهما كتبت لا استطيع ان اعبر عن اللى بداخلى
فجوايا مشاعر واحاسيس معرفش بجد اكتبها ولا اعبر عنها سوى انى اعيش تحت قدميكى طول حياتى
بحبك قوى يا امى
افديكى بعمرى كله يا اغلى شئ فى الوجود
يا اجمل ما خلق ربى
ربى اغفر لوالدى وارحمهما كما ربيانى صغيراً