الصيف قرب والخلايق تناظر ( والزوج هرب والعريس صابر ) ومحد ماكلها غير انتي

السلام عليكم ورحمة الله وبركاته

كيف الحال صبايا ونسوان

أنا يامى استفدت منكم يا حبايب

وجاء الوقت اللي أفيدكم فيه

وبالأخص الأخوات اللي يبون كل شيء بوقت واحد

بشرة بيضاء خدود وردية شفايف فراولية

شعر طويل وكثيف

أظافر قوية وأقدام مخملية

اسنان لولو وانفاس عطرية

خصر نحيف وجسم سمبتيك

...........الخ الخ الخ

طيب أنا مراح أقول عندي عصى سحرية

وأخليكم تحلمون أحلام وردية

وأعشمكم واكذب عليكم

معاذ الله

لكن ابي اقول لكم شيء سهل

حددي اهدافك توصلي لها

كيف

بنسوي لنا جدول كل أسبوع نخصص مشكلة نعالجها

مثـــــــــــــــــــــــــــا ل

يعني هالاسبوع يكون لشغلة (.................)

اللي بعدة للشغلة (...............)

واللي بعدة للشغلة ( .............)

واللي بعدة (...............)

واللي بعدة (..................)

واللي بعدة (................)

المدة 6 أسابيع

بعدها نكتب النتائج

بذمة وضمير

يعني اللي استفادت من سنفرة البشرة تكتب كم استفادة بالنسبة المئوية %

واللي ما استفادة تكتب انها ما استفادة

واللي طلعت لها نتائج عكسية تكتبها

علشان اجسامنا وبشرتنا وفئات دمنا مو مثل بعض

فية اختلافات

وكمان اذا فية خطاء نقدر نصححها

بنات نبي الصيفية تجي واحنا احلى واجمل وارق

البرنامج لة شروط لازم نتبعها كلها بدون استثناء

الشـــــــــــــــــــروط:

1- التسجيل في البرنامج كامل 6 أسابيع (( شهر ونصف ))

2- اتباع الخطوات بطرقها الصحيحة ((يعني اذا اخذتي خلطة لاتزيدين عليها شيء بعدين تقولين عطتني نتائج عكسية ))

يعني اللقافـــــــــة ممنوعة منع بات

3- الدخول يوميا وكتابة اليوميات كاملة(( الخاصة في الاسبوع))

4- الالتزام بالجدول كل اسبوع بما يختص (( يعني اسبوع الشعر نتكلم عن الشعر بس اسبوع بياض الاسنان وصحة الفم نتكلم عنهم بس ))

5- بعد نهاية كل اسبوع نكتب النتائج ( علشان لو فية مشكلة ندور لها حل )

6- اذا ذكرنا خلطة لابد من وضع الرابط (( مهم جدا )) علشان محد يسال

7- مانبي خلطات غير مجربة نبي كل شيء مجرب(( الذمة في كتابة الخلطات))

8- الاحترام والتقدير لجهود الغير ( جربتي خلطة من المنتدى تذكرين اسم صاحبتها علشان ماينهضم حقها ((حقوق الطبع )) هههههه

9- روح المنافسة مهمة والتشيجع كمان مهم

10- اذا حبينا نرفع الموضوع مانكتب كلمة رفع (( نذكر الله من استغفار او تهليل او تكبير كذا بتاخذين اجر اكثر باذن الله ))

11- راح نخصص ثلاث ايام للتسجيل فقط بعدها راح نزل الجدول كل اسبوع بما يختص

12- اذا تكلمتي عن كريم او مرطب او أي شيء حاولي قدر المستطاع تنزلين صورته فضلا وليس امر

13- راح نأخذ أول عشرين اسم فقط علشان اقدر أحفظهم ونركز والبقية نعيد البرنامج بأذن الرحمن

14- أتمنى المصداقية يعني اللي تسجل تلتزم مو تسجل وما أشوفها تطبق البرنامج وما تسجل يومياتها

15- أتمنى التوفيق للجميع

ــــــــــــــــــــــــــــــ ــــ

استودعكم الله الذي لاتضيع ودائعه

سبحانك اللهم وبحمدك اشهد أن لا اله ألا أنت أستغفرك وأتوب أليك

</IMG>